उदयपुर । उदयपुर जिल्लाको चौदण्डिगढी नगरपालिका वडा नम्बर – १० ले आफ्नो भवनको सभा हलमा ५ बेड को क्वारेन्टाइन निर्माण गरेको छ।
कोरना भाइरस (कोभिड-१९) को संक्रमणलाई रोक्न वडाले आफ्नो सभाहललाई क्वारेन्टाइन बनाएको वडा अध्यक्ष रामकुमार खड्काले बताए।
यस्तै नगरको ९ नम्बर वडामा रहेको स्वास्थ्य भवनको दुई ओटा कोठामा पनि क्वारेन्टाइन सन्चालन गरिएको वडा अध्यक्ष प्रकाश राउत ले जानकारी दिए।
प्रदेश १ सरकारले गएको फागुन २९ गते प्रदेशमा कोरोना भाइरसको सम्भावित जोखिम न्युनीकरण गर्न क्वारेन्टाइन निर्माण गर्ने निर्णय गरेको थियो ।
यता बेल्टार बजारमा रहेको उध्योग बाणिज्य संघ को भवनलाई क्वारेन्टाइन बनाउन दिने निर्णय संघले गरेको संघका अध्यक्ष पवन कार्कीले जनकारी दिए।
