काठमाडौं । गृहमन्त्री रामबहादुर थापा बादलले बलात्कारका घटना बढे पनि विश्वका अरु देशको तुलना गर्दा नेपालको अवस्था चिन्ताजनक नभएको बताएका छन् । विश्वका सवा २०० देशको अवस्था हेर्दा नेपाल बलात्कारका घटनामा धेरै पछाडि रहेको उनले बताए ।
राज्य व्यवस्था तथा सुशासन समितिको सोमबार बसेको बैठकमा गृहमन्त्री बादलले प्रत्येक दिन ६/७ जना बलात्कारको घटना हुने गरेको स्वीकार गरे । यद्यपि यस्ता घटना न्यूनीकरण गर्न सरकारले अधिकतम प्रयत्न गरिरहेको बताए ।
अमेरिकालगायतका विकसित मुलुकको अवस्था नेपालको भन्दा खराब रहेको थापाले उल्लेख गरे । दक्षिण अफ्रिका र अमेरिकामा बलात्कारका घटना धेरै हुने भन्दै उनले त्यहाँ बलात्कार घटना प्रतिमिनेट ७ वटा बलात्कारका घटना हुने गरेको बताए।
