उदयपुर : आसन्न स्थानीय निर्वाचनमा त्रियुगा नगरपालिकामा कांग्रेस एक्लै अन्य पार्टीको तुलनामा दर्विलो रहेको भन्दै गठबन्धन नगर्न ध्यानकर्षण पत्र बुझाएको छ ।
शुक्रबार जिल्ला पार्टी कार्यलयमा ४ सय ५० बढी क्रियाशिल सदस्यको हस्ताक्षर सहित पार्टी जिल्ला पार्टी सभापति हिमाल कार्कीलाई रुखमा मात्र भोट हाल्न पाउनु पर्ने माग सहित पार्टी कार्यालयमा ध्यानाकर्षण बुझाएका हुन् ।
ध्यानाकर्षण पत्र पेश गर्दै पूर्व क्षेत्रीय सभापति वसन्त बस्नेतले यो नगरमा कांग्रेस एक्लै चुनाब गए जित्न सकिने आधार बताएका थिए ।
ध्यानाकर्षण पत्र बुझ्दै सभापति हिमाल कार्कीले केन्द्रको निर्णयनुसार गठबन्धनको निर्णय गर्नै पर्ने भएका कारण गठबन्धनको निर्णय भएको भए पनि काङ्ग्रेसलाई फाइदा हुने गरिमात्र तालमेल हुने भन्दै कार्यक्रतालाई आश्वस्त पारेका थिए ।
यस्तै पूर्व सभापति विदुर बस्नेतले केन्द्रले स्थानीय तहको आबस्यकता देखिए मात्र गठबन्धन गरिने भनेकोले त्रियुगा नगरपालिकाका कुनै पनि वडाले गठबन्धन गर्न नहुने बताएका कारण यहाँ गठबन्धनको औचित्य नभएको बताए ।
