उदयपुर जेठ २० । उदयपुरको चौदण्डीगढी नगरपालिका–१० हडिया खोलामा आएको बाढीले सुमो सहित बगाएका यात्रीहरुको उद्धार गरिएको छ ।
आज शुक्रवार विहान शिवाईबाट काठमाडौं जाँदै गरेको ना १ ज ८१०६ नं. को सुमोमा सवार एक नाबालक सहित ४ जना यात्रुलाई स्थानीय र प्रहरीको सहायतामा उद्धार गरिएको हो ।
प्रत्यक्षदर्शी एक स्थानीय अनुसार बालुवामा गाडी फसेको र फसेको गाडीलाई निकाल्ने क्रममा अचानक खोलामा बाढी आएपछि सुमो बगाएको थियो ।
करिब १ सय मिटर तलसम्म बगाएको सुमो स्थानीय र प्रहरीको सहयोगमा उद्धार गरिएको इलाका प्रहरी कार्यालय बेल्टारले जनाएको छ ।
गाडी रिजर्वमा काठमाण्डौं जादैँ गरेको बताइएको छ ।
