उदयपुर । त्रियुगा नगर कार्यापालिका सदस्यमा निर्वाचनमा कांग्रेसका आफ्नै सदस्य बाट अन्तरघात हुदा आफू बहुमतमा भए पनि अल्पमतमा रहेका नेकपा एमाले र माओवादीलाई निर्वाचन नतिजा सुम्पनु परेको छ ।
कुल ८२ मत रहेको कार्यपालिका निर्वाचनमा ४२ मत कांग्रेसको मात्रै थियो भने एमालेको २४ र माओवादीको १६ मिलाएर ४० मत रहेको थियो ।
कांग्रेस एक्लै बहुमतको अवस्थामा रहे पनि कांग्रेसको रुख चिन्ह बाट बिजयी बनेर गएका प्रतिनिधीहरुबाट नै अन्तरघात हुदा अल्पमतमा रहेका एमाले र माओवादीलाई लज्जास्पद निर्वाचन परिणाम सुम्पिन परेको हो ।
८ पदका लागि तीन पार्टीबाट १६ उम्मेद्वारी परेको थियो । जसमा नेकपा एमाले र माओवादी केन्द्रले ४ – ४ भागबन्डा गरेर लिएका थिए । यता नेपाली कांग्रेसले भने पुरै ८ पदमा उम्मेदवारी दिएको थियो ।
जेठ २८ गते सम्पन्न कार्यपालिका निर्वाचनमा एमालेका ४, माओवादीबाट ३ र कांग्रेसबाट १ जना बिजयी बनेका छन । बिजयी हुने हरुमा माओवादीबाट विमल किराँती, कुन्ती परियार, रेखा थापा मगर, एमालेबाट रेनुका श्रेष्ठ, सुनिता गजमेर, गिता कुमारी उप्रेती र डिल्लीसेर राई बिजयी बनेका छन । यता कांग्रेसबाट बलदेव विश्वकर्मा बिजयी बनेको सहायक निर्वाचन अधिकृत दिलिप मगरले जानकारी दिए ।
