उदयपुर । नेपाल सरकारको स्वातित्वमा रहेको उदयपुर सिमेन्ट उद्योगले मंगलबार आफ्नो ३५ औँ बार्षिकोत्सव भव्य मनाएको छ । उद्योगका कर्मचारी, जनप्रतिनिधि संञ्चालक समिति तथा संञ्चारकर्मीहरुका बीच भव्य रुपमा बार्षिकोत्सव मनाएको हो ।
बार्षिकोत्सवको क्रममा उद्योगका महा प्रवन्धक गोपिकृष्ण न्यउपानेले उद्योगले लिएको लक्ष पुरा हुन लागेको जनाए । न्यौपानेका अनुसार २४ लाख बोरा बिक्रि लक्ष रहेकोमा करिब २१ लाख बोरा सिमेन्ट उद्योगले बिक्रि गरिसकेको छ । उनले यस अर्थिक बर्ष भित्र उद्योगले करिब २४ लाख बोरा सिमेन्ट बिक्रि गर्ने लक्ष लिएको जनाए । गैँडा छाप सिमेन्ट उत्पादन गर्दै आएको उद्योगले चालु आवको नौ महिनामै १८ लाख ९ हजार बोरा सिमेन्ट बिक्री गरिसकेको न्यौपानेले जनाएका छन ।
माहाप्रवन्धक न्यौपानेका अनुसार हाल उद्योगको हरेक क्षेत्रले प्रगतिको फड्को मारेको छ । उनका अनुसार कर्मचारीरुको व्यवस्थापन, उत्पादनमा बृद्धि, सामानहरुको खरिद, बिक्रि बृद्धि, वातावरणीय व्यवस्थापन, अवकाश कर्मचारीहरुलाई सेवा व्यवस्था लगायत बिभिन्न क्षेत्रहरुले फड्को मारेको छ ।
यस्तैगरी उद्योग तथा आपूर्ति मन्त्रालयका सचिव अर्जुन प्रसाद पोखरेलले उदयपुर सिमेन्ट उद्योगले सोँचेजति प्रगति गर्न नसकेको जनाएको छन । पोखरेलले भर्चृअल माध्यम बाट कार्यक्रममा सहभागी जनाउँदै निजी क्षेत्रहरुको प्रतिस्पर्धामा उदयपुर सिमेन्ट उद्योग आउन नसकेको जनाए ।
सरकारी स्वामित्वको यस उद्योगले निजि सँग प्रतिस्पर्धा गर्न सक्ने गरि पुग्न पोखरेलले सुझाएका छन। त्यसका लागि प्रविधिमा जोड गर्नु पर्ने र व्यवस्थापन राम्रो हुनु पर्ने उनले जनाएका छन ।
यस्तैगरी नगरप्रमुख बसन्त वस्नेतले उदयपुर सिमेन्ट उद्योग प्रति त्रियुगा नगरपालिका सँधै संवेदनशील भएर लागि पर्ने जनाए । वस्नेतले त्यसका लागि त्रियुगा नगरभित्रका कुनै एक प्रतिनिधि समेत संञ्चालक समतिमा सहभागी हुने वातावरण बनाउनु पर्ने माग गरेका छन ।
बार्षिकोत्सवको अवसरमा नवनिर्वाचित त्रियुगाको जनप्रतिनिधिहरुलाई समेत सम्मान गरिएको छ । उद्योग सँग जोडिएका वडाका प्रतिनिधिहरु १६ नं वडाअध्यक्ष, ५ नं वडाका अध्यक्ष र ६ नं वडाका अध्यक्षहरुलाई उद्योगले सम्मान पत्र प्रदान गरेको छ । यस्तै त्रियुगा नगरपालिकाका प्रमुख वसन्त वस्नेत र उपमेयर महेश्वरी राईलाई पनि सम्मान पत्र प्रदान गरिएको छ ।
