उदयपुर । जिल्ला समन्वय समितिमा तीन दलिय गठबन्धनको प्यानलै बिजयी भएको छ । प्रमुख उपप्रमुख सहित ९ पदमा भएको निर्वाचनमा गठबन्धनका सबै सदस्य बिजयी भएका हुन ।
जिसस प्रमुखमा नेकपा एकीकृत समाजवादीको तर्फबाट गौर बहादुर विश्वकर्मा र उपप्रमुखमा नेपाली काँग्रेसको तर्फबाट तेज प्रसाद गिरी विजयी भएका छन ।
सदस्यमा गठबन्धनका तर्फबाट कांग्रेसका तीन सदस्यमा भिम चन्द्र राई, बिष्णु कटुवाल र मञ्जु कुमारी परियार बिजयी भएका छन । यस्तै माओबादिका इन्द्र बहादुर थापा, गोमा कार्की, बिन्दा कुमारी बिश्वकर्मा र पद कुमार राई बिजयी भएका छन ।
जिल्ला भरबाट पालिकाका प्रमुख र उपप्रमुख मतदाता रहने निर्वाचनमा ८ पालिकाका १६ मतदाता रहेका थिए । जसमा गठबन्धनमा ११ मत रहेको थियो । गठबन्धन बाट उम्मेदवारी दिएका सबै उम्मेदवारले ११ मत ल्याएका छन ।
