उदयपुर – उदयपुरको त्रियुगा नगरपालिका ३ मिलन चोकमा विहिबार मोटर साइकल र अटो एक आपसमा ठोकिदा एक जनाको मृत्यु भएको छ।
विहिबार साँझ ७ बजेको समयमा स १ ह २०७६ नम्बरको अटो लाई प्र.१–०५–००१ प २१८६ नम्बरको मोटर साइकलले पछाडीबाट ठक्कर दिँदा मोटर साइकलमा सवार त्रियुगा नगरपालिका १२ का दिलिप श्रेष्ठकी श्रीमती ४५ बर्षिय तुलसा श्रेष्ठको घटनास्थलमा नै मृत्यु भएको हो ।
मोटर साइकल चालक दिलिप श्रेष्ठ घाइते भएका छन भने अटोमा भित्र रहेका त्रियुगा नगरपालिका ३ का ५० बर्षीय पुना सरि विक गम्भिर घाइते घाइते भएकी छिन् । विकको हात, खुट्टा, ढाँडमा चोट लागेको छ । घाइतेहरुको विपी कोइराला स्वास्थ्य विज्ञान प्रतिष्ठान धरानमा उपचार भईरहेको छ ।
अटोमा रहेका १५ बर्षीय मनिस बराइली समेत घाइते भएको छन । मोटर साइकल बगहाबाट गाईघाट तर्फ आउँदै गर्दा दुर्घटना भएको हो । मोटर साइकल चालक श्रेष्ठ त्रियुगा नगरपालिकाका कर्मचारी हुन ।
