उदयपुर । त्रियुगा नगरपालिकाले असोज २४ गते सोमबार सार्वजनिक बिदा दिएको छ । त्रियुगा नगर सभा सदस्य छत्र कुमारी थापा राउतको असामयिक निधनमा सार्वजनिक बिदा दिएको हो ।
त्रियुगा नगरपालिकाका प्रमुख प्रशासकीय अधिकृत मान बहादुर वनका अनुसार नगरपालिका मातहतका आकस्मिक बाहेकका सबै कार्यलयहरुलाई सार्वजनिक बिदा दिएको छ ।
परिवार स्रोतका अनुसार असोज ८ गते सुनसरी आफन्तकोमा गएकी राउत ९ गते फर्किने क्रममा बेलकानगरपालिका स्थित सेती खोला पेट्रोल पम्पमा अन्तिम पटक देखा परेपछी सम्पर्क बिहिन भएकी थिइन ।
आफू चडेर आउदै गरेको सवारी साधनबाट उत्रिएर सम्पर्क बिहिन बनेकी राउत एक हप्ता पछि असोज १६ गते जंगलमा सडेको अवस्थामा मृत फेला परेकी थिइन ।
बैशाख ३० गते भएको स्थानीय तह सदस्य निर्वाचनमा त्रियुगा नगरपालिका वडा नं २ मा नेपाली कांग्रेसका तर्फबाट राउत निर्वाचित भएकी थिइन ।
