उदयपुर । सत्तारुढ पाँच दलिय गठबन्धनले उदयपुरमा स्थानीय तह निर्वाचनमा सफल भएको बताएको छ । उदयपुरका ८ पालिका मध्य ६ पालिकामा ५ दलिय गठबन्धन र २ पालिकामा माओबादी र नेकपा एकीकृत समाजबादी बीच भएको गठबन्धन सफल भएको बताएका हुन ।
स्थानीय तह निर्वाचनमा उदयपुरका ६ पालिकामा भएको गठबन्धनमा सवै पालिकाका प्रमुख गठबन्धनका उम्मेद्वारले जित निकालेका छन । दुई पालिकामा भने प्रमुख जिते पनि उपप्रमुख भने गुमाउन परेको छ ।
यस अघि एमालेले जितेका रौतामाई र ताप्लीमा गठबन्धन तर्फबाट नेपाल कम्युनिष्ट पार्टी माओबादी केन्द्रले प्रमुख र कांग्रेसले उपप्रमुख जितेको छ । यस्तै लिम्चुङ्गबुङ्गमा पुन माओबादीले जित निकालेको छ भने उदयपुरगढ़ीमा एकीकृत समाजबादीले जित निकालेको छ ।
यस अघि एमालेले जितेको कटारी र बेलका नगरपालिकामा गठबन्धनले प्रमुखमा जित निकालेको छ भने उपप्रमुख भने गुमाएको छ । चौदण्डी र त्रियुगामा भने ५ दलीय गठबन्धन थिएन । यी दुई पालिकामा नेकपा माओबादी केन्द्र र नेकपा एकीकृत समाजबादीले गठबन्धन गरेका थिए ।
माओबादी र एस मिलेर गरेको गठबन्धनले नतिजा आफ्नो पक्षमा ननिकाले पनि गठबन्धनमा आएको भोट उत्साह जनक भोट आएको निस्कर्ष निकालेको छ । गठबन्धनले जिल्ला समन्वयमा बहुमत सहित बिजयी हाँसिल गरेको छ ।
स्थानीय निर्वाचनमा गठबन्धन सफल भएकाले अहिलेको प्रदेश र संघमा पनि गठबन्धन सफल हुनेमा आफुहरु बिश्वस्त रहेको नेकपा माओबादीका नेता बताउछन। “गठबन्धनका बलमा माओबादीले ३ पालिकामा प्रमुख जितेको छ, एसले एक र कांग्रेसले दुई पालिकामा प्रमुख जितेको छ।” ति नेताले भने, “एक स्थानको निर्वाचन परिणाम लाई लिएर भन्दा पनि समग्र जिल्ला भरिको परिणामलाई लिएर विश्लेषण गर्दा गठबन्धन उदयपुरमा सफल भएको छ।”
