गाईघाट । त्रियुगा नगरपालिका वडा नं. ११ ले बृद्धबृद्धालाई तातोपानी तताउने इलेक्ट्रीक थर्मस वितरण गरेको छ । वडा कार्यालयले एक कार्यक्रमको आयोजना गरि वडामा सामाजिक सुरक्षा भत्ता लिदै आएकाहरुलाई तातोपानी तताउने इलेक्ट्रीक थर्मस वितरण गरेको हो ।
एका घरका दुई जेष्ठ नागरिक वा सामाजिक सुरक्षा भत्ता लिने भएमा उनिहरुको रोजाईमा थर्मस नलानेहरुलाई न्यानो कपडा स्वरुप बलाङकेट बितरण गरिएको वडा अध्यक्ष सुमन्त कोईरालाले जानकारी दिए ।
वडा अध्यक्ष कोईरालाका अनुसार वडाबाट सामाजिक सुरक्षा भत्तालिने ६ सय २९ जना रहेका छन । त्यसमा जेष्ठ नागरिक, दलित जेष्ठ नागरिक, एकल महिला, अपाङ्ग लगायत सवै सामाजिक सुरक्षा भत्ता लिने रहेका छन ।
जेष्ठ नागरिकलाई सम्मान कार्यक्रममा वडा अध्यक्ष कोईरालाले जेष्ठ नागरिकहरु समाजका ऐना भएको उल्लेख गर्दै वडाले समय अनुसार उहाँहरुको सम्मान गर्ने बताए । उनले भने, “अहिले तातोपानी तताउने इलेक्ट्रोनिक थर्मस र बलाङकेट बितरण गरियो अब समय अनुसार स्वास्थ्य शिविर र अन्य सम्मानका कार्यक्रम ल्याइने छ ।”
