गाईघाट । उदयपुरको त्रियुगा नगरपालिका १० बोक्सेमा शनिबारदेखि सुरु भएको प्रथम वडाध्यक्ष गोल्डकप फुटवल प्रतियोगिताको तेस्रो खेलमा अयोजक फ्युजन फुटबल क्लव विजयी भएको छ ।
निर्धारित ६० मिटेको खेलमा प्रोग्रेसिभ युवा क्लव फत्तेपुरलाई २–१ ले पछि पार्दै आयोजक बोक्सेले जित निकालेको हो । तेस्रो खेलमा २-१ को जित निकालेको आयोजकले अव १८ गते गोल बजार स्पोर्ट्स क्लव सँग सेमिफाईनल खेल खेल्नेछ ।
खेलको पहिलो हाफको २६ औं मिनेटमा उमेश कार्कीले पेनाल्टी मार्फत गोल गर्दै टिमलाई १ -० को अग्रता दिलाएका थिए । त्यसको ३ मिनेट पछि प्रोग्रेसिभ युवा क्लव फत्तेपुरका निरज चौधरीले १ गोल गरेर खेललाई बराबरीको स्थितिमा पुर्याएका थिए ।
खेलको दोस्रो हाफको ८ औं मिनेटमा रमेश राजबंशीले गोल गर्दै २-१ को अग्रता दिलाए । प्रतियोगिताको म्यान अफ दी म्याच रमेश राजबंशी घोषित भएका छन । उनलाई नगद एक हजार पाँच सयले सम्मान गरिएको आयोजक समितिका सदस्य रुपेश मगरले बताए ।
मगरका अनुसार मंगलबारको खेल गाईघाट फुटबल क्लव र एपीएफ पूर्वाञ्चल सुनसरी विच हुने छ । यस खेलको बिजेता १९ गते पहिलो खेलको बिजेता कटारी फुटबल क्लव सँग सेमिफाइनल खेल्ने छ ।
