गाईघाट । उदयपुरको त्रियुगा नगरपालिका १० बोक्सेमा जारी प्रथम वडाध्यक्ष गोल्डकप फुटवल प्रतियोगिताको सेमिफ़ाइनलको दोस्रो खेलमा गाईघाट फुटवल क्लव बिजयी भएको छ । निर्धारित ६० मिटेको खेलमा कटारी फुटबल क्लवलाई २-१ ले पछि पार्दै गाईघाटले जित निकालेको हो । यो संगै गाईघाट फाइनल प्रवेश गरेको छ।
खेलको पहिलो हाफ १-१ गोलको बराबरीमा टुङ्गीएको थियो । खेलको पहिलो हाफको १४ औं मिनेटमा प्रताप राईले एक गोल गर्दै टिमलाई अग्रता दिलाएका थिए । १-० को अन्तरले पछि परे पछि आक्रमक खेल खेलेको गाईघाटले १८ औं मिनेटमा युवराज थापाले गोल गर्दै टिमलाई बराबरमा पुर्याएका थिए ।
दोस्रो हाफ पछि प्रतिस्पर्धात्मक बनेको खेलमा गाईघाटका विवेक चौधरीले ५२ औं मिनेटमा गोल गर्दै टिमलाई २-१ को अन्तरले अग्रता दिलाएका थिए ।
दोस्रो हाफमा कटारीले कुनै पनि गोल गर्न नसक्दा २-१ अन्तरले नतिजा सुम्पिनु परेको हो । प्रतियोगिताको म्यान अफ दी म्याच कटारीका प्रताप राई घोषित भए । उनलाई नगद एक हजार पाँच सयले सम्मान गरिएको आयोजक समितिका सदस्य रुपेश मगरले बताए
२१ गते हुने फाइनल खेलमा आयोजक फ्युजन क्लव बोक्से र गाईघाट फुटबल क्लव विच प्रतिस्पर्धा हुने भएको छ ।
