उदयपुर । बिगत एक हप्ता देखी लागेको प्रचण्ड गर्मीले उदयपुरको सदरमुकाम लगायत आसपासका क्षेत्रमा खानेपानीको समस्या बढ्दै गएको छ । ट्युववेलबाट खानेपानी प्रयोग गर्ने अधिकांस यस क्षेत्रमा खडेरीले गर्दा ट्युववेल सुकेर खानेपानीको हाहाकार मचिएको छ ।
खानेपानी तथा घरमा प्रयोग गर्ने पानीको हाहाकार मचिए पछि त्रियुगा नगरपालिकाले पानि सुकेर पानीको अभाव झेलीरहेका घर परिवारलाई दमकलमा पानि पठाएर समाधान गरेको छ । नगरपालिकाको वडा नं ९ स्थित गैरुन क्षेत्रमा आज नगरपालिकाको दमकलले एक घर बराबर ५ सय देखि १ हजार लिटर सम्म पानी उपलब्ध गराएको हो ।
यस क्षेत्रमा खानेपानीको अभाव बर्षौ देखि छ । गैरुन रातमाटे लिफ्टिंग खानेपानी आयोजना मार्फत खानेपानी पुर्याउने उदेश्यले योजना सुचारु गरिएको भए पनि संघीय र प्रदेश सरकारले बजेट अभाव देखाउदै बजेट ब्यबस्थापन नगरिदिदा यहाँका स्थानीयले समस्या झेल्नु परेको छ ।
स्थानीय स्रोत र साधनले ठुलो योजना सम्पन्न गर्ने नपुग्ने र संघ र प्रदेश सरकारले बजेटको व्यबस्था नगरिदिदा निर्माणाधीन नगरका आधादर्जन योजना अलपत्र परेको नगर प्रमुख बसन्त कुमार बस्नेतले बताउनु भयो ।
