उदयपुर । नेपाल प्रेस युनियन उदयपुरको छैटौ जिल्ला अधिवेसनले पर्शुराम थापालाई अध्यक्षमा चयन गरेको छ । शनिवार त्रियुगा नगरपालिका १५ स्थित डहर रमिते डाँडामा सम्पन्न अधिवेशनले अध्यक्ष थापा सहित १९ सदस्यीय नयाँ कार्यसमिति समेत सर्व सम्मत चयन गरेको हो ।
अधिवेशनले वरिष्ठ उपाध्यक्षमा विश्वराज तामाङ, महिला उपाध्यक्ष यमुना आलेमगर, सचिवमा अस्मित पौडेल, सह–सचिव किरण प्रसाद ढुंगाना र कोषाध्यक्षमा मनोज श्रेष्ठलाई सर्वसम्मत चयन गरिएको छ ।
यस्तै खुल्ला सदस्यमा दिपक राउत, भरत बोहोरा, सुमन सागर खतिवडा र संजिव कुमार चौधरीलाई चयन गरिएको छ । आदिवासी जनजाती सदस्य अमित तामाङ, कुसुम लामा तामाङ, खुल्ला महिला सदस्य यसोधा पोखरेल, अनिता कार्की, मधेश सदस्य मिथुन ठाकुर, र अन्य सदस्यहरु बिज्ञान पराजुली, खेमराज दाहाल, सन्जिब कुमार चौधरी, पुस्प दनुवार र सन्तोस रौनियार रहेको आयोजकले जनाएको छ ।
कार्यक्रममा पूर्व भौतिक पूर्वधार मन्त्री हिमाल कार्की, पूर्व संघीय संसद प्रमिला राई, त्रियुगा नगरपालिकाका प्रमुख बसन्त कुमार बस्नेत, वडा ११ का अध्यक्ष सुमन्त कोइराला, पत्रकार महासंघका अध्यक्ष भरत थापा, प्रेस युनियन केन्द्रीय उपाध्यक्ष डिल्ली राम खतिवडा लगायत अन्य बिभिन्न संगठनमा आवद्ध पत्रकारहरुको उपस्थिति रहेको थियो ।
