उदयपुर । देभ रथ मोटर्स इन्डियाको आधिकारिक बिक्रेता कालिका अटो लिन्क प्रालिले तीन पाङ्ग्रे अटो रिक्सा बिक्री बितरण सुरु गरेको छ ।
आज त्रियुगा नगरपालिकाका नगर प्रमुख वसन्त बस्नेतले त्रियुगा नगरपालिका वडा नं ३ का राजन दाहाललाई अटो रिक्साको चावी हस्तान्तरण गर्दै बिक्री वितरण शुरु गरिएको हो ।
कार्यक्रममा शुभकामना व्यक्त गर्दै नगरप्रमुख वसन्त बस्नेतले अटो रिक्साले अहिले धेरै बेरोजगार युवालाई रोजगार दिएकाले सस्तोमा गाईघाटमा नै जडान गरेर वितरण गरिनु खुसिको कुरा भएको बताए ।
मेयर बस्नेतले अन्य उद्योगी व्यापारीहरुलाई पनि अन्य क्षेत्रमा लगानी गरि रोजगारी सिर्जना गर्न आग्रह गरे । नगरपालिकाले औधोगिक ग्राम निर्माण गर्ने योजन अनुसार संघीय र प्रदेश सरकारसँग अवास्यक समन्वय गरि रहेको र जग्गा समेत छुट्याएकोले उद्योग बाणिज्य संघ मार्फत ठुला लगानी कर्तालाई समेत त्रियुगा नगरपालिकामा आएर लगानी गर्न आग्रह गरेको उल्लेख गरे ।
अन्य तीन पाङ्ग्रे रिक्सा भन्दा आकर्षक र आल्मुनियम खिया प्रतिरोधी बडी भएको अटो रिक्सामा १ हजार वाटको मोटर र ह्याब्भी लिभ गार्डको ब्याट्री जडान गरिएको कालीका अटो लिन्क प्रालीका म्यानेजिङ डाइरेक्टर सुनिल कुमार ठाकुरले जानकारी दिए ।
एक पटक चार्ज गरिसके पछि १ सय २० किलो मिटर सम्म कुदाउन सकिने कालिका अटो लिन्क प्रालीका म्यानेजिङ डाइरेक्टर ठाकुरले बतार । उनका अनुसार गाईघाटका स्थानीयलाई ५० प्रतिशत डाउनपेमेन्टमा १ बर्षको फाईनान्स र पुरानो अटोरिक्सा लिएर आए एक्सचेञ्जको व्यवस्था समेत गरिएको छ ।
