गाईघाट । श्री नं १८ बाहिनी अड्डा परिसरमा रहेको सामुदायीक सर्पदंश केन्द्रलाई त्रियुगा नगरपालिका वडा नम्बर ८ ले आवश्यक सामाग्री सहयोग गरेको छ । बर्षेनी सर्पदशंका सयौ विरामीको उपचार गरी सेवा दिदै आएको सर्पदंश केन्द्रलाई त्रियुगा नगरपालिका वडा नम्बर ८ ले एक लाख बराबरको एक थान एलईडि टेलिभिजन र एक थान कप्युटर सहयोग गरेको हो ।
वडा नम्बर ८ का वडाअध्यक्ष राजकुमार राउत, वडा सदस्य जुठे दनुवारले सामुदायीक सर्पदंश केन्द्रका अध्यक्ष पवित्रा गिरी र सचिव यदु ढकाललाई सामाग्री हस्तान्तरण गरेका हुन।
सामाग्री हस्तान्तरण गर्दै वडा अध्यक्ष राजकुमार राउतले वडाको सानो सहयोगले मृत्युको मुखमा पुगेका विरामीहरुलाई बचाउन हौसला मिलोस भन्ने उदेश्यले सामाग्री सहयोग गरेको बताए ।
सामाग्री हस्तान्तरण गर्ने क्रममा बोल्दै सामुदायीक सर्पदंश केन्द्रका अध्यक्ष पवित्रा गिरीले सिमित स्रोत र साधनका विच सामुदायीक सर्पदंश केन्द्र संचालनमा रहेकाले सबै पक्षलाई आवश्यक सहयोगको लागि आव्हान समेत गर्नु भएको छ ।
