उदयपुर । त्रियुगा नगरपालिकाका नगरप्रमुख वसन्त कुमार बस्नेतले रक्तदान गर्नु भएको छ । उदयपुर जेसिसले शनिबार गाईघाट बजार स्थित पिपलचोकमा गरेको बृहत रक्तदान कार्यक्रममा रक्तदान गर्दै नगरप्रमुख बस्नेतले कार्यक्रमको उद्घाटन गर्नु भएको हो ।
“हाम्रो महाभियान जिवनदानका लागि रक्तदान” भन्ने नारा सहित त्रियुगा नगरपालिका र जिल्ला अस्पताल उदयपुरको सहयोगमा भएको रक्तदान कार्यक्रममा नगर प्रमुख बस्नेत सहित जिल्ला बिशिस्ट ब्यक्तिहरुले रक्तदान गर्नु भएको थियो ।
जिल्ला प्रहरी उपरीक्षक, सशस्त्र प्रहरीका उपरीक्षक, प्रहरी नायव उपरीक्षक लगायत राजनीतिक दलका नेताहरु सहित १ सय ३२ जनाले रक्तदान गर्नु भएको थियो ।
नेपाल रडक्रस सोसाइटीको समन्वय तथा जेशिस बर्ष २०२४ का अध्यक्ष तारा बहादुर खड्काको अध्यक्षतामा भएको कार्यक्रमको उपाध्यक्ष डाक्टर निर्माला चौधरीले संयोजन गर्नु भएको थियो ।
जेसिस बर्ष २०२४ का महासचिव ब्रह्मदेव महतोले सहजीकरण गरेको रक्तदान कार्यक्रममा १ सय ३ पुरुष र २९ महिला गरि १ सय ३२ जनाले रक्तदान गरेका हुन ।
रक्तदान कार्यक्रमलाई शुभकामना दिदै नगर प्रमुख बस्नेतले रक्तदान महादान भएकोले रक्तदान गर्न सवैलाई आग्रह गर्नु भयो । जिल्लामा रगत अभावका कारण कुनै पनि व्यक्तिले ज्यान नगुमाउन नपरोस् भनेर रक्तदान कार्यक्रम राखिएको उहाँले बताउनु भयो ।
