उदयपुर । मदन भण्डारी लोकमार्ग अन्तर्गत उदयपुरको त्रियुगा नगरपालिका १ फुलजोरमा टिपरको ठक्करबाट दुई जनाको मृत्यु भएको छ । मंगलबार करिव १० बजे सदरमुकाम गाईघाटबाट पूर्वतर्फ जाँदै गरेको मोटरसाइकललाई विपरित दिशाबाट आएको टिपरले ठक्कर दिँदा गम्भिर घाइते भएका २ जनाको उपचारको क्रममा अस्पतालमा मृत्यु हो ।
गाईघाटबाट पूर्वतर्फ जाँदै गरेको प्र १-०२-०५२ प ३९५८ नम्बरको मोटरसाइकलमा सवार रामधुनी नगरपालिका सुन्सरी घर भई त्रियुगा नगरपालिका ११ बस्ने ३० वर्षका रविन श्रेष्ठ र त्रियुगा नगरपालिका ३ चाँप बस्ने २४ वर्षकी हिरा राईलाई विपरित दिशाबाट आएको प्र १-२ ००१ ख ८५१४ टिपरले ठक्कर दिदा गम्भीर घाइते भएका दुई जनाको उपचारको क्रममा मृत्यु भएको जिल्ला प्रहरी कार्यालय उदयपुरका सूचना अधिकारी तथा प्रहरी नायव उपरीक्षक राजन चापागाईंले जानकारी दिनु भयो ।
सूचना अधिकारी प्रनाउ चापागाईंका अनुसार ठक्कर दिने टिपर र चालक प्रहरीले नियन्त्रणमा लिएर थप अनुसन्धान भइरहेको छ ।
