खोटाङ– स्वास्थ्य कार्यालय खोटाङले सदरमुकाम दिक्तेलमा डेंगी रोग सार्ने लामखुट्टेको लार्भा खोजी गरी नष्ट गर्ने अभियान सुरु गरेको छ । बाढी–पहिरो र डुबानका बेला डेंगी रोग सार्ने लामखुट्टेको भय हुने भन्दै कार्यालयले लार्भा खोजी गरी नष्ट गर्ने अभियान सुरु गरेको हो ।
विभिन्न कार्यालय तथा संघसस्थाका सरोकारवालाको उपस्थितिमा हाटडाँडाबाट लार्भा खोजी गर्ने कार्य सुरु गरेर त्रिवेणीचौक, रत्नपार्कलगायतका ठाउँमा प्लेकार्डसहित बजार परिक्रममा गर्दै लामखुट्टेको लार्भा खोजी गरी नष्ट गरिएको हो ।
लामखुट्टेको टोकाइबाट हुने डेंगी, मलेरियाजस्ता कीटजन्य संक्रमणको जोखिमबाट बच्न र बचाउँन कार्यालयको बार्षिक स्वीकृत कार्यक्रम अनुसार यो अभियान निरन्तररुपमा सुचारु गर्ने गरि सुरु गरिएको स्वास्थ्य कार्यालयले जनाएको छ ।
